„Волшебникот од ОЗ“ ќе биде изведена на Меѓународниот фестивал на театри за деца во Суботица Скопје, 22 мај 2012 (МИА) - Театарот за деца и младинци од Скопје од вчера до петок учествува на 19. Меѓународен фестивал на театри за деца во Суботица, Република Србија.
Театарот ќе ја изведе претставата „Волшебникот од Оз“ во режија на Боњо Лунгов. Во неа играат Нина Гачиќ, Драган Довлев, Ана Левајковиќ, Тања Кочовска, Марија Ѓорѓијовска, Петар Стојковиќ, Мартин Јорданоски и Ефтим Трајчов.
Преводот и препевот е на Никола Маџиров, драматургија на текст и асистент на режија е Маја Енчева, а драматизација на песни, кореографија и асистент на режија е Костантин Каракостов. Автор на музиката е Михаил Шишков, а сценографијата и костимографијата на Дилјана Прванова.
|