Скопје, 25 мај 2012 (МИА) - Претседателот на Република Македонија Ѓорге Иванов денеска ќе оствари средба со претседателот на Националниот Совет на Република Австрија Барбара Прамер.
Претходно, шефот на државата ќе прими акредитивни писма на новоименуваниот амбасадор на Република Косово во Република Македонија Илбер Хиса.
Предвидено е претседателот Иванов денеска да ги прими и претставниците на Кралскиот колеџ за одбранбени студии од Велика Британија кои престојуваат во Македонија. Кралскиот колеџ за одбранбени студии е постдипломска програма за меѓународни стратешки студии, со фокус на безбедноста, стабилноста и напредокот, како и посветеност на подобро разбирање на глобалните движења и зајакнување на стратешкото размислување на идните креатори на политики и стратегии.