Три дена забрана за рекламирање и осуда од Советот на честа на ЗНМСкопје, 21 јуни 2012 (МИА) - Советот за радиодифузија на ТВ Канал 5 денеска и изрече мерка три дена забрана за рекламирање и телешопинг, поради емитување промотивен рекламен спот вчера и денеска, со којшто бил прекршен Законот за радиодифузна дејност.
- Анализата на емитуваниот промотивен спот, што имал првична цел да најави нова серија покажа дека ТВ Канал 5 го има прекршено членот 87 од Законот за радиодифузната дејност, односно овој радиодифузер емитувал рекламен спот за самопромотивни цели, кој е невистинит (лажна авионска несреќа) и ја заведува јавноста (емитување промотивен спот во форма на вонредни вести), соопшти СРД по одржаната итна седница.
Според СРД, констатирано е и прекршување на законот со тоа што ТВ Канал 5 во реклама за самопромотивни цели користи лице кое редовно презентира вести со што е прекршен членот 105 од законот. Итната седница на СРД била одржана поради големиот број претставки од граѓаните, кои се почувствувале вознемирени од промотивните рекламни спотови.
Реакција за емитуваниот промотивен спот на ТВ Канал 5 упати и Советот на честа при Здружението на новинари на Македонија, оценувајќи ја постапката на телевизијата како крајно непрофесионална и неетичка, спротивна на сите одредби од Кодексот на новинарите.
- Советот на честа смета дека станува збор за злоупотреба и груба дезинформација со која својот економски интерес Канал 5 го става над јавниот интерес. На овој начин телевизијата предизвика страв и заблуда кај граѓаните и тоа свесно, за да ирекламира своја емисија, наведува во реакцијата Советот на честа на ЗНМ.
|