Дваесет и тригодишен неготинчанец ноќеска ја убил својата мајка во нивниот стан, а потоа сакал да се ослободи од телото фрлајќи го во контејнер.
Според информациите од полицијата, Димитар С. ноќеска околу 3,40 часот бил забележан од работниците на Комунална хигиена како го фрла телото на неговата педесет и седумгодишна мајка Нада С. целото облеано во крв во еден од контејнерите.
Работниците веднаш ја алармирале полицијата, по што убиецот е приведен во полициска станица. Засега нема информации кога точно било извршено убиството и поради кои причини младиот неготинчанец го сторил грозоморното дело.