Во Македонија денеска до 14 часот се уште се активни пет пожари. Се уште е активен пожарот во општина Гевгелија, меѓу селата Горничет и Ума, каде гори нискостеблеста и дабова шума на поголема површина.
Како што соопшти Дирекцијата за заштита и спасување, вчера дејствувале со два авиони во 12 налети. Во моментов таму се присутни 40 вработени од ЈП „Македонски шуми“, 20 вработени од просторните сили на општина Гевгелија и едно противпожарно возило со екипа на ТППЕ.
Активен е и пожарот во општина Гостивар, во село Лакавица на потегот кон месноста Митрови Крсти, каде гори нискостеблеста шума во радиус од еден километар. Присутни се 7-8 пожарникари од ТППЕ со едно противпожарно возило и двајца вработени од ЈП „Македонски шуми“. На оваа локација пожарот се распламтува и проширува потпомогнат од ветерот.
Во општина Крива Паланка активен е пожарот во село Градец, каде гори нискостеблеста шума. Присутни се две возила на ТППЕ со 6 пожарникари и 10 вработени од ЈП „Македонски шуми“.
Активен е пожарот во село Лезово, општина Пробиштип, каде гори сува трева на 5 декари. Овој пожар е локализиран во 4 часот изутринава со четири пожарникари со едно противпожарно возило.
Во општина Струга, над село Радожда горела нискостеблеста, дабова и борова шума. Пожарот настанал вчера околу 21:40 часот. Овој пожар е локализиран, а во гаснењето учестувале двајца пожарникари од ТППЕ, еден вработен од ЈП „Македонски шуми“ и 10 граѓани. Денеска на терен се присутни двајца пожарникари со едно противпожарно возило и 4 вработени од ЈП „Македонски шуми“.
Дирекцијата за заштита и спасување контуинирано ја следи состојбата со пожарите преку своите 35 подрачни одделенија и соодветно интервенира на потребните локации.
На барања од локалната самоуправа, Дирекцијата за заштита и спасување веднаш е подготвена активно да се вклучи во справувањето со појавените пожари, со сите свои човечки потенцијали и материјално-технички средства и опрема.
Дирекцијата информира дека со помош на Владата е опремена со три специјализирани авиони за гасење на пожар на отворен простор и 30 противпожарни возила кои се распределени на користење на тер