24-годишната струмичанка Е.М. е одговорна за пожарите во Струмица во кои две лица загинаа, а уште 14 се повредени.
Против истата ќе биде поднесена кривична пријава за предизивикување општа опасност.
- Девојката пред два дена меѓу 11 и 12 часот на ул.„Бошко Буха“ во Струмица на околу 50 метри од последните куќи во кои и таа живеала, запалила стари алишта кои биле непосредно под еден жбун, при што предизвикала пожар од поголеми размери на место викано „Ч,млк“ над Струмица, информираат од СВР Струмица.
Со изгореници се здобиле 14 лица при превземање на мерки за гаснење на пожарот, на околу 200-300 метри од завршетокот ул.„Крушевска Република“ на шумска патека во правец на место викано „Двата пата“.
Денеска во Струмица е Ден на жалост, а на гробиштата во струмичкото планинско село Рич, ќе бидат погребани телата на Блажо (50) и Пено (46) Стојанови, работници на ЈП „Македонски шуми”-шумско стопанство „Беласица”, кои настрадаа во гаснењето на пожарот во понеделникот.