Со положување на свежо цвеќе и венци на спомен плочата ќе им оддаде почит на 10 воени резервисти кои пред 11 години беа убиени кај месноста Карпалак за време на воениот конфликт.
На одбележувањето ќе присуствува владина делегација составена од Никола Тодоров, министер за здравство, Панче Кралев, министер за образование и наука и Емил Димитриев, заменик министер за одбрана.
Венци на местото на убиството ќе положат и делегации на Министерството за одбрана и Генералштабот на АРМ.
Министерот за информатика и јавна администрација Иво Ивановски ќе ја предводи делегација на ВМРО ДПМНЕ.
Во спомен на загинувањето на десетмината ќе биде одбележано и во Прилеп од каде потекнуваат убиените. Повеќе делегации ќе положат венци на споменикот на бранителите во прилепската касарна “Мирче Ацев“.