Скопје, 14 август 2012 (МИА) - Пожарот на потегот кај селата Тажево и Брезница во општина Македонски Брод што избувна вчера и со кој е зафатен Националниот парк „Јасен“ се уште е активен.
Гори борова шума, а за негово гасење мобилизирани се дополнителни припадници на Дирекцијата за заштита и спасување, а утринава од 7 часот ставени се во дејство и противпожарните авиони.
Како што информираат од Дирекцијата за заштита и спасување, во гасењето на пожарот учествуваат 14 припадници од Подрачно одделение за заштита и спасување-Македонски Брод, 11 од Подрачното одделение Центар, 33 од Подрачното одделение Чаир, како и вработени од Шумското стопанство, ТППЕ и противпожарните авиони.