Скопје, 15 август 2012 (МИА) - Во врска со
последниот настан во Слупчане, претседателот на Република Македонија Ѓорге Иванов, по добивањето на релевантните информации од надлежните институции, оценува дека не биле испочитувани институционалните правила и процедури.
Претседателот на Република Македонија бара од сите фактори да не ја злоупотребуваат Армијата на Република Македонија и употребата на армиската униформа за политички, партиски, или какви било други цели.
Како што стои во денешното соопштение од Кабинетот, претседателот Иванов побарал од надлежните расветлување на случајот и утврдување на постоење на злоупотреба на службената должност.
- Униформираните лица во придружба на Министерот за одбрана, не се во формацискиот состав на Армијата на Република Македонија, туку членови на Кабинетот на министерот, стои во соопштението од Кабинетот на претседателот на Република Македонија.