Две иполгодишното девојче кое на Клиниката за инфективни болести се лекуваше од западнонилска треска почина.
Од Министерството за здравство ја потврдуваат информацијата, но додаваат дека официјално и повеќе информации ќе бидат објавени во текот на денот.
Досега од вирусот Западен Нил во Македонија починаа три лица од вкупно шестмина заразени. Претходно починаа 83 и 53-годишна жена, уште едно лице се лекува на Инфективна, додека две лица поради подобрување на здравствената состојба беа пуштени на домашно лекување.