Скопје, 15 февруари 2013 (МИА) - Сообраќајот на патот Катланово - Велес се одвива по една коловозна лента. Поради голем одрон вчера на овој патен правец сообраќајот беше во прекин, но по интервенцијата на екипите на „Македонија пат“ оспособена е една лента.
На останатите магистрални и регионални патни правци низ државата сообраќајот се одвива во зимски услови, без забрани, но по влажни коловози. Во Крушево префрла слаб снег кој не се задржува на коловоз.
На граничните премини, како што информира Авто мото сојузот на Македонија, нема подолготрајни задржувања за влез и за излез од државата.