Скопје, 27 февруари 2013 (МИА) - Членовите на Централниот одбор на СДСМ синоќа на седница со консензус донеле одлука за бојкот на локалните избори, информира Андреј Петров, генерален секретар на СДСМ.
За одлуката гласал и градоначалникот на Струмица Зоран Заев за кого во медиумите се наведуваше дека го предводи крилото кое се залага за излегување на локалните избори. Таквата одлука ја поддржале и коалициските партнери.
Централниот одбор на СДСМ заседаваше откако вчера владејачкото мнозинство во Собранието на Република Македонија изгласа измени во Изборниот законик за продолжување на рокот на кандидирање за локалните избори до 3 март.