Од извори во Хашкиот трибунал за воени злосторства во поранешна Југославија, неделникот “Република“ ексклузивнo дознава дека Јохан Тарчуловски, обвинет за наводни воени злосторства во скопското село Љуботен, за неколку дена се враќа во Македонија.
Судот во Хаг, како што пишува “Република“, го прифатил барањето на одбраната на Тарчуловски по што во текот на денот се одвива писмена комуникација со германските власти кои треба да го пуштат Тарчуловски дома.
Одлуката за пуштањето на Тарчуловски е официјална, а оптимистичките сценарија велат дека тој уште во среда претпладне би можел да биде со своето семејство во Скопје.
Според судијата Теодор Мерон, Тарчуловски треба да биде пуштен веднаш и затоа тој дал налог на судските институции во Хаг да им наложат на германските власти одлуката да ја спроведат веднаш.
Претходно затворската управа во германскиот затвор во Диц и во затворот Шевенинген потврдиле дека Тарчуловски за време на одлежувањето на казната се однесувал примерно со што ги исполнил сите предуслови за предвремено пуштање.
Тарчуловски беше осуден во 2001 година по што беше осуден со казна затвор од 12 години.