Излишно е денес да говориме за „пробиени“ тестови по одредени предмети, кои беа дел од екстерното тестирање кога процесот за утврдување на објективноста на наставниците при оценувањето на учениците заврши на 19 јуни, реагираат на шпекулациите од Министерството за образование и наука.
Министерството, се наведува во соопштението, во координација со останатите органи направи анализа на сите тестови кои што во изминатите неколку денови беа предмет на дебата и објава во одредени медиуми во обид, како што велат, за сензација, при што е констатирано дека „прашањата не се веродостојни ниту по формата, ниту по содржината на оние што беа изработени од страна на надлежните институции, јави МИА.
- Воопшто не се сомневаме во сигурноста на софтверот преку кој учениците беа тестирани, бидејќи тој е изработен врз основа на стандардите за управување со информатичка безбедност. Резултатите од процесот на екстерното тестирање кои ќе бидат објавени во наредните денови ќе бидат најголем аргумент и потврда за валидноста и успешноста на целиот процес, се наведува во соопштението од МОН.