Гостивар, 24 јули 2013 (МИА) - Во сообраќајна несреќа меѓу две возила што се случи денеска околу 15 часот на магистралниот пат Гостивар-Кичево повредени се најмалку пет лица, од кои две потешко, информираат од СВР Тетово.
Во сударот учествувале "фолксваген голф 4" со италијански регистерски ознаки и "опел астра" со кумановски таблички.
Непосредно по несреќата повредените се згрижени во гостиварската болница, од каде информираат дека од вкупно пет, колку што се примени на ургентното одделение, две лица, како итни случаи се испратени на скопскиот Клинички центар. Извршен е увид од надлежните служби.
Во меѓувреме, сообраќајот на патниот правец Гостивар-Стража-Гостивар, кој поради сообраќајната незгода беше во прекин, е нормализиран, информираат од ЈП Македонијапат.