Владата на Република Македонија преку Министерството за образование и наука и оваа учебна 2013-2014 година продолжува со доделување на 737 стипендии во шест различни категории.
Ќе бидат доделени 400 стипендии за социјална поддршка на ученици, 80 за ученици со статус на деца без родители, 50 стипендии за ученици со посебни потреби, 150 за талентирани ученици-спортисти, 50 за талентирани ученици и 7 за ученици од угостителско-туристичка струка.
На денешната прес-конференција министерот за образование и наука Спиро Ристовски информира дека стипендиите се наменети за редовни ученици во јавните и приватни средни училишта во Македонија кои не повторувале година во образованието и не се корисници на стипендија од други институции.
Кандидатите, потенцира тој, треба да исполнуваат дополнителни услови специфицирани во конкурсите за секоја од категориите.
Конкурсите ќе бидат објавени во печатените медиуми и на интернет страницата на МОН, в понеделник, а аплицирањето ќе трае две недели.
Министерот Ристовски нагласи дека сите доставени документи писмени и електронски, ќе бидат детално прегледани со цел правилна и фер распределба на стипендиите.