Скопје, 22 ноември 2013 (МИА) - Претседавачот на општина Центар Мирослав Шиповиќ доцна синоќа од Виена е екстрадиран во Скопје, потврдија од МВР за МИА.
Шиповиќ е пренесен во затворот Шутка.
Австриските власти пред десеттина дена го одобрија барањето за екстрадиција на Шиповиќ, кој е првоосомничен во случајот за финансиски криминал во фирмата „Машинопромет“.
Претседателот на Советот на општина Центар беше уапсен на аеродромот во Виена на 15 октомври, на враќање од САД.