Скопје, 24 март 2014 (МИА) – Денеска попладне ќе има повремени локални врнежи од дожд, а на планините од снег. На некои места врнежите ќе бидат пообилни, особено во крајните западни и североисточни делови од земјава.
Локално ќе има услови за краткотрајно невреме проследено со пороен дожд, силен ветер, нагло опаѓање на температурата и ретки грмежи, а не е исклучена ниту изолирана појава на град. Поради заладувањето во вечерните и ноќните часови во западните делови врнежите ќе поминуваат во снег и на некои повисоки места. Ќе дува умерен, а повремено и силен јужен ветер, кој околу пладне и попладне на места ќе достигнува брзина над 80 километри на час.
Утре ќе има преодно стабилизирање на времето, а потоа во наредните денови ќе преовладува променливо облачно и посвежо време со повремени врнежи од дожд.