Скопје, 28 март 2014 (МИА) – Времето денеска во Македонија ќе биде променливо облачно со сончеви периоди и со повремени локални врнежи од дожд кои наместа ќе бидат поројни и со ретки грмежи. На планините ќе дува слаб до умерен ветер од јужен правец, а доцна попладне и во вечерните часови ќе се промени правецот во северозападен.
Утринската температура ќе се движи од два до осум, а дневната од 11 до 17 степени.
Во Скопје слично време, променливо облачно со сончеви периоди и со повремени врнежи од дожд, а ќе дува и умерен ветер од променлив правец. Утринската температура ќе се спушти до пет, а дневната ќе се искачи до 15 степени.
Во наредните денови ќе преовладува стабилно и суво време со слаб пораст на температурата. Од понеделник ќе има поголемо затоплување на времето.