Во Штип манифестација „Шарено велигденско јајце“

Штип, 17 април 2014 (МИА) - Во Штип денеска традиционално се одржа манифестацијата „Шарено велигденско јаце“ во Центарот за култура „Ацо Шопов“.

Во рамки на манифестацијата децата од двете детски градинки и петте основни училишта своите велиденски јајци ги изложија, но и ги продаваа.

Директорката на Центарот за култура, „Ацо Шопов“, Наташа Маневска информира дека годинава наградите за најдобри декорации на велигденските јајца ги добија децата од градинката „Вера Циривири-Трена“ и основното училиште „Гоце Делчев“.

- Ова е една убава традиција, манифестацијата „Шарено велиденско јајце“ веќе неколку година ја реализираме, со што децата се учат да ги негуваат и обичаите за големиот христијански празник Велигден, изјави Маневска.

Средствата од продажбата на велигденските јајца ќе бидат наменети за потребите на децата и на училиштата.