Се поставува урбана опрема во Неготино

Неготино, 24 април 2014 (МИА) - Се поставува урбана опрема во градот Неотино,  на неколку најфреквентни локации во централното градско подрачје. Се работи за  околу 50 клупи за седење и 100 корпи за отпадоци, информира неготинскиот градоначалник Ванчо Апостолов.

-Во моментов работите се изведуваат долж булеварот „Маршал Тито” во близина на спортско рекреативниот центар „Младост”. Станува збор за улица која голем број наши сограѓани во попладневните и вечерните часови ја користат за пешачење и рекреација, а новопоставените клупи ќе им овозможат пријатно катче каде што ќе можат да се задржат во краток одмор, објаснува градоначалникот.

Апостолов соопшти дека клупи за седење и корпи за отпадоци ќе се постават и на други локации во Неготино кои се масовно посетувани од населението.