До 50 проценти се штетите од невремето врз насадите со праски во Росоманско

Росоман, 25 јули 2014 (МИА) - Првичните проценки се дека до 50 проценти изнесуваат штетите кои врнежите од град пред некој ден ги направија врз насадите со праскови дрвца во Росоманско, информираше денеска градоначалникот на Росоман Стојанче Лазов.

- Ова се првичните проценки од терен. Штетите не се големи, имајќи во предвид дека мала површина беше зафатена од невремето. Нема пријави за штети од страна на земјоделците до општината. Стотина пријави за штети имало до осигурителна компанија, што значи дека росоманци главно го осигураат своето производство, нагласи Лазов.

Во Росоманско, како најголем регион за продизводство на праски во Македонија, се произведува еден процент од светското производство на овој вид на овошје.