Седници на три собраниски комисии

Скопје, 27 август 2014 (МИА) - Во Собранието на Република Македонија денеска седници ќе одржат комисиите за финансирање и буџет, за еднакви можности на жените и мажите и Законодавно-правната комисијата.

На дневен ред на Комисијата за еднакви можности на жените и мажите е Предлог - законот за превенција, спречување и заштита од семејно насилство, во прво читање.

Комисијата за финансирање и буџет ќе расправа  за Предлог-законот за изменување и дополнување на Законот за ревизија, Годишниот извештај за работењето на Агенцијата за супервизија на осигурување во 2013 година, Финансискиот извештај на Агенцијата за супервизија на осигурување во 2013, Годишен извештај на Агенцијата за супервизија на осигурување за состојбата и движењата на пазарот на осигурување во Република Македонија во 2013 година, и за Годишниот извештај за извршените ревизии и за работењето на Државниот завод за ревизија во 2013.

Членовите на Законодавно-правната комисија ќе расправаат за Предлог-законот за изменување и дополнување на Законот за ревизија-прво читање.