Велешко кафуле точело алкохол и на малолетнициВелес, 29 август 2014 (МИА) - Велешката полиција при редовните контроли во угостителските објекти овој месец во два наврата констатирала кривично дело „точење алкохол на малолетни и пијани лица“, како и еден прекршок „овозможување присуство на малолетни лица по 24 часот“.
Како што информира портпаролот на СВР Велес Анита Стојковска, по целосно документирање на случаите ќе следат соодветни поднесоци до надлежните институции.
Во рамки на полициските контроли, се мери и нивото на бучавата во објектите и се води сметка за пушењето.
Контролите продолжуваат со цел, како што нагласи Стојковска, одржување стабилната безбедносна состојба, јавен ред и мир.
|