Министерот Попоски учествува на Бледскиот стратешки форум

Скопје, 2 септември 2014 (МИА) - Министерот за надворешни работи Никола Попоски денеска учествува на Бледскиот стратешки форум  во Блед, Словенија, политички настан кој во изминатите осум години прерасна во значаен инструмент за стратешки дијалог за прашања од значење за регионот.

Како што информира МНР, на Форумот ќе учествуваат и други министри и високи претставници од земјите во регионот и пошироко, како и од јавниот и приватниот сектор.

- Форумот, во заедничка организација на Министерството за надворешни работи на Словенија и Центарот за европска перспектива од Блед, има за цел да овозможи комуникација и размена на искуства на високо ниво со цел полесна интеграција на регионот во разни сегменти, особено економскиот, соопшти МНР.

Се очекува министерот Попоски со свое обраќање да учествува во панелот посветен на иднината на Западен Балкан - како до подобра регионална соработка.