Скопје, 2 октомври 2014 (МИА) - Војислав Б. кој се бараше со меѓународна потерница распишана преку Интерпол, вчера попладне со лет од Брисел е екстрадиран во Скопје, соопшти МВР. Од аеродромот „Александар Велики“, префрлен е во КПУ Идризово на издржување казна затвор од 3,5 години која му е изречена во отсуство заради фалсификување пасош и возачка дозвола.
Случајот е од 2009 година кога Војислав Б. во Скопје фалсификувал бугарска патна исправа и возачка дозвола, вметнувајќи сопствена фотографија. Освен за тој случај, во 2010 година тој се товареше и за недозволена трговија со наркотици. Kон крајот на декември 2009 година отпатувал за Лима, Перу, каде што од засега непознато лице, набавил 1.910 грама кокаин паста. Заедно го организирале и транспортот преку Германија во Скопје. Пратката во Македонија пристигнала како поштенска пратка.
Војислав Б. е приведен на 11 овој месец во Белгија за извршени кривични дела.