Скопје, 19 ноември 2014 (МИА) - Поранешниот министер за внатрешни работи Љубе Бошковски е осуден на 10 ипол години затвор за случајот „Ровер“, во кој обвинетите се товареа за двојното убиство на Маријан Тушевски и Киро Јанев, што се случи во 2001 година, одлучи денеска Основниот суд Скопје 1.
Ова е втора пресуда за Бошковски, откако претходно Апелацискиот суд ја укина првата пресуда од 12 години затвор и нареди повторно судење.
Доживотен затвор добија првообвинетите Предраг Чубрило, Милан Илиќ и Милорад Ковачевиќ, а на Вук Вукичевиќ од доживотен затвор казната му е намалена на 15 години. Шефот на обезбедувањето на Бошкоски, Зоран Трајковски е осуден на осум и пол години затвор, Ивица Ристиќ ќе одлежи седум години, а за службеникот во МВР, Никола Негриевски е изречена затворска казна од пет и пол години.
Марјан Тушевски и Киро Јанев беа убиени пред 12 години во скопската населба Капиштец.