Во Гевгелија изложба на икони во византиски стил

Гевгелија, 26 јануари 2015 (МИА) - Во Гевгелија денеска беше отворена првата самостојна изложба на икони во византиски стил од Златко Трајков, посветена на неговиот роден град и на Македонската православна црква-ОА.

Младиот автор е роден во Гевгелија, а по завршувањето на основното и средното образование се запишал на Филолошкиот факултет во Скопје каде дипломирал на Катедрата за општа и компаративна книжевност. Моментно е активен студент на факултетот за медицински науки во Штип.

Изложбата ја отвори претседателот на Советот на општина Гевгелија ,уметникот Драги Хаџи-Николов кој истакна дека Трајков е самоук сликар кој посетувал повеќе византиски школи за иконографија во и надвор од Македонија и посака во иднина да видиме изложба од Трајков со повеќе изложени дела.

Изложбата е поставена во холот на Народниот театар во Гевгелија и ќе биде отворена наредните четири дена.