Скопје, 31 јануари 2015 (МИА) - Времето денеска ќе биде сончево со мала до умерена облачност, попладне облачноста ќе се зголемува и ќе има повремени врнежи од дожд на планините од снег. Кон крајот на денот во западните делови и на некои повисоки места ќе има врнежи од снег. Во поголемиот дел од земјава врнежите ќе бидаат обилни, особено во јужните и западните делови на земјава.
Повремено ќе дува силен јужен ветер со удари и над 80 километри на час. Максималната температура ќе достигне од 8 до 13 степени.
Во Скопје ќе биде променливо облачно со засилен јужен ветер. Доцна попладне и во текот на ноќта ќе има врнежи од дожд, кои повремено ќе бидат поинтензивни. Максималната температура ќе достигне до 9 степени.
Според податоците на Управата за хидометеоролошки работи, висината на снежната покривка во Маврови Анови изнесува 30 сантиметри, во Лазорополе 7 и во Крушево пет сантиметри.
Во изминатите 24 часа, до 7 часот наврнати се 28 литри на метар квадратен воден талог во Маврово, 23 во Пожаране и Крушево, 22 во Дебар, 20 во Крива Паланка, 17 во Лазарополе и Тетово, 16 во Скопје на Зајчев Рид, 15 во Претор, Битола и Берово, 11 во Охрид, 10 во Кавадарци, 8 во Прилеп и Ѓуриште, 7 во Штип, 6 во Струмица, 4 во Дојран и 3 во Демир Капија и Гевгелија.
Најниска температура од - 4 степени целзиусови измерени се во Маврово, -3 во Лазарополе, -2 во Крушево, 1 во Крива Паланка, Прилеп, Претор и Пожаране, 2 во Битола и Виница, 3 во Охрид, Берово, Тетово и Дебар, 4 во Скопје и Куманово, 6 во Демир Капија, Струмица, Дојран и Кавадарци, а 7 степени во Штип и Гевгелија.
Наредната недела се очекува променливо облачно време со услови на повремени врнежи од снег на планините и на некои повисоки места, а на пониските со дожд. Интензитетот на врнежите ќе биде слаб само наместа умерем. Темпоратурата ќе има тенденција на опаѓање.