Изложба на Благојче Наумоски-Бане во Прилеп

Прилеп, 27 март 2015 (МИА) - Во галеријата на Центарот за култура „Mарко Цепенков“ во Прилеп вечер ќе биде отворена изложба ,,IN – OUT – ILLUMINATION’’ од Благојче Наумоски-Бане.

Наумоски ќе се претстави со 14 дела – инсталации и слики рентген.

Благојче Наумоски-Бане дипломирал на Факултетот за ликовни уметности во Скопје во класата на проф. Рубин Корубин. Во 2009 година магистрирал во класата на проф. Јован Шумковски.

Од 2007 година е член на Друштвото на ликовни уметници на Македонија, а од 2009 - на арт-групата И.Н.С.Т.И.Т.У.Т.  каде активно учествува во сите проекти. Од 2012 година работи како асистент на Факултетот за арт и дизајн при Европскиот универзитет на  Македонија.

Има реализирано повеќе самостојни и групни изложби во земјата и во Германија, Словенија, САД, Франција, Израел, Чешка, Полска, Бугарија, Косово. Учествувал на повеќе перформанси  и ликовни  колонии.