Адеми на доделување на наградите на Републичкиот натпревар по албански јазикСкопје, 25 април 2015 (МИА) - Министерот за образование и наука Абдилаќим Адеми, денеска присуствуваше на доделувањето на наградите на најдобрите учесници на Републичкиот натпревар по албански јазик.
- Овој натпревар, како што и самите знаете се возобновува по цели 15 години, и претставува одлична можност за учениците преку литературата да ги одмерат своите знаења, истакна министерот Адеми.
Министерството за образование и наука, нагласи Адеми, ги поддржува ваквите натпревари, и затоа донесе одлука сите здруженија кои организираат натпревари, без разлика дали станува збор за државни или меѓународни, да бидат акредитирани од страна на државата.
- Денес сите вие сте победници, но сепак некој треба да го понесе пиететот најдобар. Затоа не се откажувајте, следете ги Вашите соништа, верубвајте во нив, а тие еден ден ќе станат реалност, напомена министерот Адеми.
|