Вашингтон, 24 септември 2016 (МИА) - Три лица загинаа, а две се повредени во престрелка што се случи во трговски центат во градот Берлингтон во американската сојузна држава Вашингтон. Вооружениот напаѓач побегна, соопшти полицијата.
Инцидентот се случи синоќа во трговскиот центар „Каскејд“ во Берлингтон, околу 105 километри северно од Сиетл.
- Полицијата активно трага по напаѓачот, маж од јужноамериканско потекло, облечен во сива облека, изјави портпаролот на Државната патрола во Вашингтон, Марк Френсис.
Меѓу повредените се една жена и еден маж, кој е во критична здравствена состојба.
- Во Вашингтон синоќа се случи трагедија. Нашите срца се во Берлингтон, напиша на Твитер гувернерот на Вашингтон Џеј Инзли.