Вашингтон, 7 јуни 2017 (МИА) - Истражители од ФБИ сметаат дека руски хакери стојат зад кибер-нападот врз катарската новинска агенција, што се случи кон крајот на мај, јави „Си-Ен-Ен“.
Хакерите се инфилтрирале во серверите на агенцијата и на нејзиниот сајт објавиле лажни изјави на емирот на Катар Тамим бин Хамад Ал Тани.
Целта на Русија била преку кибер-нападите да предизвика тензии меѓу САД и нивните сојузници, оценуваат истражителите од ФБИ, кои му помагаат на Катар да ги открие извршителите на кибер-нападите во агенцијата КНА.
Кон крајот на мај Катар соопшти дека хакери воспоставиле контрола над интернет страницата на државната новинска агенција и објавиле лажни изјави ја катарскиот емир.