Кинеските хакери, одговорни за упад во базата на податоци на компанијата која произведува опрема за морнарицата на САД, украле 614 гигабајти податоци во два одделни хакерски напади, изведени во јануари и февруари.
Весникот „Вашингтон пост" објави претходно, повикувајќи се на неименувани претставници на САД, дека кинеските хакери украле голема количина на доверливи податоци за подводни војување, вклучувајќи ги и плановите за суперсонична противбродска ракеза за лансирање од подморница.
Хакерите упаднале во системот на компанијата, која работи за Центарот за подводно морнаричко војување, со седиште во Њупорт во Род Ајленд.