Италија подготвена да прогласи вонредна состојба во Венеција

Италија е подготвена да прогласи вонредна состојба во Венеција откако висината на брановите во тој град достигнаа 1,87 метри, поплавувајќи ја историската базилика и прекинувајќи го снабдувањето со електрична енергија за домаќинствата.



Повеќе од 80 отсто од градот, кој е под заштита на УНЕСКО, беше под вода во моментите кога плимата беше најсилна, јави Би Би Си.

Италијанскиот премиер Џузепе Конте ја опиша поплавата како „удар во срцето на земјата“. Тој потенцираше дека Владата ќе дејствува брзо за да обезбеди средства и ресурси.

„Ме боли што градот е толку оштетен, уметничкото наследство е загрозено, комерцијалните активности се на колена“, напиша Конте на Фејсбук по синоќешната посета на Венеција. Тој истакна дека Владата ќе ја забрза изградбата на структурната одбрана на градот, мислејќи на т.н. Мосеов проект – хидрауличен систем на бариери за заштита на лагуните во случај на зголемување на нивото на морето и зимските бури. Се очекува во текот на денот да биде прогласена вонредна состојба во Венеција.

Во меѓувреме, жителите на Венеција се се разбудија со звукот на сирените, што укажува дека плимата ќе остане висока, иако не се очекува да надмине 130 сантиметри над морето.

Градоначалникот на Венеција Луиџи Буруњаро вчера изјави дека штетите во овој историски град по најголемата поплава во последните 50 години ќе бидат стотици милиони евра. Во поплавата загинаa и двајца повозрасни мажи.

– Ние не зборуваме само за пресметување на штетата, туку за иднината на градот. Поради ова, ние го губиме населението, изјави Бруњаро пред новинарите, барајќи од Рим да прогласи вонредна состојба.

Нивото на водата завчера достигна 187 сантиметри, највисоко ниво досега забележано во Венеција, а само седум сантиметри помалку од највисокото забележано ниво во историјата.

„Венеција е на колена. Базиликата Свети Марко претрпе сериозни штети, како и целиот град и неговите острови“, напиша Буруњаро на Твитер.

Во Венеција, криптата под базиликата Свети Марко беше поплавена по вторпат во историјата, при што вода влегувала и низ прозорците.

Поплавата е предизвикана од поројниот дожд што се совпадна со полната месечина што донесе висока плима. Исто така, градот испреплетен со канали е во опасност и поради зголемувањето на нивото на морето како резултат на климатските промени.



Прочитајте: затвори
  • РЕПЕРТОАРИ
IDIVIDI Сервиси
IDIVIDI Речник
Powered by MagnumPRO
Download
Временска прогноза

Н/А

Нема
Битола
Н/А
Нема
Охрид
Н/А
Нема
Скопје
Виц на денот
Си игра едно детенце во градинка, кога му приоѓа едно девојче и го прашува:
- Сакаш да си играме заедно?
- Сакам. А, која игра ќеја играме?
- Ќе ти кажам, ама ти прво кажи ми...
webmail
IDIVIDI Радио
Македонски
Pop
Classical
Dance
Hip-Hop
Jazz
Rock
Ambient
Tehno&Trance
Состојба на патиштата
Сообраќајот на државните патишта се одвива по претежно суви коловози. Патниот правец Р2332 Охрид – Ресен, преку националниот парк Галичица (врска со Р1307 Царина – врска со А3 и...
Верски календар
На денешен ден
1421.- Роден е англискиот крал Хенри Шестти,...
1492.- Христофер Колумбо го откри островот...
1507.- Германскиот картограф Мартин Валдземилер...
1779.- Умре Жан Батист Шарден, француски сликар....