Претставничкиот дом изгласа ограничување на воените ингеренции на Трамп

Претставничкиот дом на американскиот Конгрес синоќа изгласа резолуција, со која се ограничува претседателот Доналд Трамп да почне војна против други држави без одобрување и дебата во Конгресот.



Гласањето е резултат на нападот со беспилотно летало и убиството на иранскиот генерал Касим Сулејмани, што предизвика жестока реакција од Техеран во вид на ракетни напади врз две сојузнички воени бази во Ирак.

Законодавците стравуваат дека елиминацијата на иранскиот генерал може да има продолжителни реперкусии и да предизвика војна со Иран.

Резолуцијата беше одобрена со 224 гласа „за“ и 194 „против“. „За“ гласаа сите демократи и уште тројца републиканци. Мат Гец, поддржувач на Трамп од Флорида, по ова прашање застана зад демократите.

– Мислам дека Конгресот треба да го има најважниот глас за работи поврзани со војна и мир, изјави тој синоќа по гласањето.

Со ова, демократите бараат Конгресот да биде консултиран за секој иден план за воен напад на Иран, исклучок се одбранбени дејства. Тие сметаат дека претседателот треба да има намалени ингеренции во однос на одлуки за војна со држави како Иран и да нема право на вето ако законодавниот дом е против.

Пред гласањето, претседателката на Претставничкиот дом, Ненси Пелоси изјави дека нападот во кој беше убиен иранскиот генерал од страна на претседателот Трамп бил авторизиран без консултација со Конгресот. И таа ја осуди ваквата одлука.

Од поновите примери кога Конгресот бил консултиран да одобри воени дејства против странски земји се воената операција во Авганистан по терористичките напади на 11 септември 2001 година, како и инвазијата на Ирак и соборувањето на Садам Хусеин во 2003 година.

Некои републиканци резолуцијата ја нарекуваат симболичен чин, бидејќи за да помине, треба да биде изгласана од Сенатот, а тоа најверојатно нема да се случи, бидејќи републиканците имаат мнозинство во Горниот дом на американскиот Конгрес.



Прочитајте: затвори
  • РЕПЕРТОАРИ
IDIVIDI Сервиси
IDIVIDI Речник
Powered by MagnumPRO
Download
Временска прогноза

Н/А

Нема
Битола
Н/А
Нема
Охрид
Н/А
Нема
Скопје
Виц на денот

- Зошто Босанците ги има низ цел свет?
- Ќе отидат, па не знаат како да се вратат.

webmail
IDIVIDI Радио
Македонски
Pop
Classical
Dance
Hip-Hop
Jazz
Rock
Ambient
Tehno&Trance
Состојба на патиштата
Веста се ажурира
Верски календар
На денешен ден
1926.- Во Лос Анџелес е родена Норма Џин...
1953.- Во Женева е основана Европската...
1974.- Умре Хуан Перон, аргентински политичар и...
1992.- Во Скопје е поставен камен - темелникот...