Вирална снимка, што се шири на социјалните мрежи и ја прикажува необичната ситуација меѓу францускиот претседател Емануел Макрон и неговата сопруга Брижит предизвика голем интерес и бројни шпекулации. На видеото, кое e снимено при нивното пристигнување во Виетнам, се гледа момент во кој Брижит го удира Макрон во лицето додека излегуваат од авионот.
Сцената изгледа непријатно. Макрон моментално реагира со изненадување, но брзо се прибира и продолжува со насмевка, свесен дека камерите го следат.
Од Елисејската палата сè уште нема официјално соопштение во врска со инцидентот, па останува нејасно што точно се случило или дали станува збор за навистина ненамерен момент. Она што е јасно е дека снимката поттикна бројни коментари — од шеговити мемиња до теории за брачната динамика на еден од највлијателните парови во Европа.