Центар за борба против сушата во Југоисточна Европа во Словенија Љубљана, 27 септември (МИА) - Светската метеоролошка организација денеска донесе одлука седиштето на Центарот за борба против сушата во Југоисточна Европа да биде во Словенија.
Создавањето на Центарот е заедничка иницијатива на Светската метеоролошка организација со седиште во Женева и на Конвенцијата на ОН за борба против дезертификација.
Причина за отворањето на Центарот се позачестените сушни периоди, кои имаат значително негативно влијание на бруто домашниот производ и на општа благосостојба на жителите на Југоисточна Европа.
Задача на Центарот ќе биде, меѓудругото, да ги прогнозира и следи сушните периоди и изработува студии за ублажување на нивните последици.
Покрај Словенија, кандидати за домаќини на Центарот беа и Унгарија, Романија и Турција.
|