Паданг, 2 октомври (МИА) - Речиси 3.000 лица веројатно се сеуште затрупани под урнатините по катастрофалниот земјотрес кој го погоди островот Суматра пред два дена, соопшти Министерството за здравство на Индонезија.
- Потврдена е смртта на 715 луѓе, а 2.400 се повредени, изјави портпарол на агенцијата за справување со последици од непогоди. Земјотресот беше со интензитет од 7,6 степени по Рихтер и најсилно е погодена провинцијата Западна Суматра.
Најголеми се оштетувањата во главниот град на таа провинција, Паданг.
- Тешко оштетени се над 20.000 згради, а речиси 3.000 луѓе веројатно се затрупани под урнатините во Паданг и шест други окрузи, додаде портпаролот. Спасувачките екипи продолжуваат со операциите, јавуваат локални медиуми.