Вашингтон, 18 ноември (МИА) - Повеќе од половината Американци сметаат дека војната во Авганистан не било вредно да се почнува. Тоа се вели во резултати од анкета публикувана во Вашингтон пост.
Според анкетата, 52 отсто од жителите во САД се убедени дека војната во Авганистан не требало да се почнува. Со спротивно мислење се 44 отсто.
Во крајот на минатата година само 39 отсто сметаа дека војната во Авганистан не требало да воопшто да се почнува.
Четириесет и седум отсто од анкетираните сметаат дека Обама не се справува добро со прашањето за новата американска стратегија во Авганистан. И покрај тоа, 55 отсто сметаат дека Обама и неговиот тим сепак ќе спроведат стратегија за Авганистан која ќе донесе успех.
„За“ испраќање дополнителен број војници во Авганистан се 46 отсто од анкетираните и 45 се „против“. Анкетата е направена по барање на Вашингтон пост и Еј-Би-Си-Њуз.