Порт-о-Пренс, 10 февруари (МИА) - Владата на Хаити објави дека бројот на загинати од земјотресот се зголемил од 212.000 на 230.000.
Првично, на 24 јануари Владата соопшти за 150.000 загинати. Цифрата беше направена по бројот на труповите извадени од под урнатините на Порт-о-Пренс.
Министерката за комуникации Мари Лоранс Жослин Ласег изјави дека според најновите податоци на Владата, бројот на загинати е 230.000, бројка во која не се вметнати жртвите погребани од приватни компании на приватни гробишта и погребани од роднините.