Женева, 24 февруари (МИА) - Пандемијата на вирусот на новиот грип од типот А(H1N1) се уште не го достигнал врвот, смета Комитетот на експерти во советот проследен до Светската здравствена организација (СЗО).
- Комитетот упатил совет до СЗО дека е прерано да се заклучува оти вирусот во сите делови на светот го достигнал врвот во пренесувањето на грипот и оти е потребно дополнително време и информации за да се донесе стручен совет за статусот на пандемијата, истакнува портпаролот на СЗО Грегори Хартл.
СЗО во јуни минатата година соопшти дека новиот вирус предизвикал прва пандемија на грипот по повеќе од 40 години, бидејќи само за шест седмици од Мексико и САД се проширил на остатокот на светот.
Светската здравствена организација потврди дека од вирусот H1N1 досега починале 16.000 лица, но е истакнато дека „тоа е груба претпоставка“, бидејќи е невозможно кај секој случај е утврдена дијагнозата и е извршено испитување.
Според проценката на експертите, ќе бидат потребни една или две години по завршувањето на пандемијата за да се утврди вистинскиот број починати од вирусот H1N1.