Кандахар, 6 октомври 2010 (МИА) - Претседателот на Авганистан Хамид Карзаи ги осуди „непријателите на Авганистан“ по серијата бомбашки напади во Кандахар кога се убиени девет лица, меѓу кои пет деца.
Во синоќешниот бомбашки напад кои го изведоа талибанците во едно полициско возило среде крстосница загинаа девет лица, а повредени се 30.
Нападот се случува еден ден откако четири полицајци загинаа во серија координирани напади на авганистанските безбедносни сили во Кандахар.
Во соопштението од Кабинетот на Карзаи се наведува дека „цел на непријателите на Авганистан, кои се далеку од приврзаност кон исламските принципи, се наоѓаат цивили па дури и деца“.
Во меѓувреме весникот „Вашингтон пост“ објави дека се во тек тајни прелиминарни преговори меѓу талибанците и властите во Кабул со цел да се заврши војната во Авганистан, неколку претставници на талибанците да влезат во Владата и меѓународните сили да си заминат од земјата.