Велингтон, 19 октомври 2010 (МИА) - Силен земјотрес со интензитет од пет степени по Рихтеровата скала повторно го погоди новозеландскиот град Крајстчерч поради што жителите во паника ги напуштаа домовите.
Електричната енергија и телефонските врски во делови од градот и околината се во прекин. Епицентарот бил на 10 км. југозападно од градот на длабочина од девет километри.
Дел од зградите во центарот на градот се евакуирани.
Се работи за уште ден од потресите што следуваа за време на смирување на тлото по земјотресот од седум степени кој на 4 септември предизвика големи штети. Тој потрес оштети речиси 50.000 куќи од кои 1.200 мораа да бидат урнати, а вкупната вредност на штетата е околу 2,9 милијарди долари.