Вашингтон, 23 октомври 2010 (МИА) - Земјотрес со интензитет од 5,7 степени според Рихтеровата скала синоќа го погоди централниот дел на Чиле, соопшти Американскиот геофизички институт.
Не се соопштува за жртви или причинета материјална штета. Епицентарот на земјотресот е локализиран на 110 километри југозападно од градот Консепсион и на 130 километри северозападно од градот Темуко.
Во февруари Чиле го погоди силен земјотрес со интензитет од 8,8 степени кој беше проследен со цунами и во кој загинаа 500 лица, а штетите беа проценети на 30 милијарди долари.