Токио, 5 април 2011 (МИА) - Радиоактивната вода од оштетената нуклеарна централа Фукушима 1 продолжува да се испушта во Тихи Океан. Експертите наведуваат дека водата нема да биде голем проблем за морските животни, ниту за луѓето кои би ги конзумирале тие животни.
Експертите наведуваат дека океанот до голем степен ја разредува концентрацијата на радиоактивните материјали. Радиоактивната вода може да претставува опасност само за морскиот свет во непосредна близина на Фукушима 1.
Во Тихи Океан ќе се испуштат 11.500 тони радиоактивна вода за да се ослободи простор во резервоарот во оштетената нуклеарна централа. Предвидено е да се испуштат околу 10.000 тони вода од резервоарите и 1.500 тони вода од реакторите пет и шест.