Лос Анџелес, 21 април 2011 (МИА) - Според сценариото на популарниот филм „Терминатор“ и на неговите продолженија и серии, крајот на светот, онаков каков што го знаевме сега, би требало да се случи денеска.
Според приказната во „Терминатор“, на 19 април 2011 година компјутерот Скајнет, направен за го штити населението од евентуален непријателски нуклеарен напад, станува самосвесен и почнува да ги доживува луѓето како потенцијална опасност за сопствената егизстенција. Два дена подоцна, на 21 април, почнува нуклеарниот напад на вештачката интелигенција врз луѓето.
- Денеска, 21 април, е последниот ден од животот каков што го познававме, вели во филмот Сара Конор, мајка на човекот кој во следните години ќе го организира отпорот на луѓето против вештачката интелигенција и нивните машини.