Вашингтон, 21 јуни 2011 (МИА) - Американскиот претседател Барак Обама би требало утре да објави колку војници ќе бидат вратени од Авганистан, во рамки на првото повлекување на трупите идниот месец, како и да го изложи поширокиот план чија цел е до 2014 година авганистанските сили да ја преземат одговорноста за безбедност на својата земја.
Во самата администрација на Обама, меѓутоа, и натаму постојат разлики во врска со ова прашање, бидејќи воениот врв се залага за постепено намалување на бројот на трупите, додека неговите советници се залагаат за позначајно повлекување наредните месеци.
- Обама ја финализира својата одлука, тој ги разгледува сите опции, рече портпаролот на Белата куќа Џеј Карни.
Откако стана претседател, Обама го зголеми бројот на американски војници во Авганистан на 100.000.