Триполи, 27 септември 2011 (МИА) - Соборениот либиски лидер Моамер Гадафи изјави дека се надева оти ќе умре во Либија како маченик.
Изјавата на Гадафи е објавена на интернет-страницата на телевизијата „Ал Арабија“, која се уште е лојална на полковникот.
- Хероите пружаат отпор и гинат како маченици. Ние исто така очекуваме да станеме маченици, истакна Гадафи.
Неговата изјава посебно е адресирана до неговите приврзаници од племето Варфала, едно од најголемите либиски племиња. Борците од Варфала неколку недели се борат со силите на новата либиска власт во Бани Валид, на 170 километри југоисточно од Триполи.
Гадафи ги повикува борците од Варфала да ги повторат подвизите на нивните предци.
- И јас како и вас сум на бојното поле. Тие што тврдат дека сум во Нигер или во Венецуела лажат. Јас сум меѓу народот и во следните денови очекувам неочекуван шок за агентите на таа група, истакна Гадафи, мислејќи на новата либиска власт.