Дакар, 28 октомври 2011 (МИА) - Поранешниот шеф на разузнавањето на Гадафи, Абдула ел Сенуси, по кој Интерпол распиша потерница, пребега во Мали преку Нигер, каде неколку дена се криеше во пустина на северот на земјата, изјавија претставници на Нигер.
Неименуван советник на претседателот на Нигер рече дека Сенуси влегол на територија на Мали во средата доцна навечер, преку областа Кидал, која се граничи со Нигер.
Сенуси го чува единица од десетина лица, а дошол со конвој во кој се наоѓале припадници на племето Туарег од Мали.
Според советникот, Сеиф ал-Ислам, синот на убиениот либиски лидер Моамер Гадафи, исто така се наоѓа на пат за Мали.